العاشر من رمضان
مصنع جاهز، وورقه متراجع قبل ما تعاينه.
بنبيع ونأجّر المصانع والمخازن الجاهزة في العاشر من رمضان. قبل أي معاينة بنراجع الترخيص، والسجل الصناعي، والقدرة الكهربائية، وحالة الأرض عند الهيئة.
سعر متر المصنع في العاشر من رمضان
المؤشر كامل لكل المناطق- بيع، جنيه للمتر
- 20,202
- النطاق المعتاد 16,255–29,412
- إيجار، جنيه للمتر في الشهر
- 161
- النطاق المعتاد 132–215
- متوسط سعر المصنع المعروض للبيع، جنيه
- 60M
- 1,224–6,500 m²
متوسط السعر المطلوب للمصانع والمخازن في العاشر من رمضان، محسوب من المصانع والمخازن المعروضة فعلًا للبيع والإيجار في المدينة. دي أسعار طلب، والصفقة بتقفل غالبًا أقل منها.
لحد 31 ديسمبر 2026، تقدر تبيع أو تأجّر مصنعك من غير شرط التلات سنين تشغيل.
القرار شال شرط التلات سنين قبل البيع، وشرط السنة قبل الإيجار، بشرط إن الأرض متسددة، والمشروع شغال، ومعاك رخصة تشغيل وسجل صناعي. ومن أول يناير 2027 القيود دي بترجع تاني.
قرار وزاري 171 لسنة 2026
اعرف إذا كان مصنعك ينفع يتباع دلوقتي31.12
2026
بنراجع إيه قبل أي معاينة
ده نفس الشيت اللي بنملاه لكل مصنع قبل ما نعرضه. لو بند منهم ناقص بنقولك قبل ما تتحرك من مكانك.
- سداد تمن الأرض
- بنراجعه من: إيصالات السداد وخطاب من الهيئة
- من غير سداد كامل الهيئة مش هتوافق على النقل.
- رخصة التشغيل
- بنراجعه من: أصل الرخصة وتاريخها
- شرط في قرار 171 لسنة 2026 عشان البيع أو الإيجار.
- السجل الصناعي
- بنراجعه من: شهادة السجل السارية
- من غيره المشروع مش متسجل كمصنع شغال.
- القدرة الكهربائية
- بنراجعه من: عقد شركة الكهربا وآخر فاتورة
- زيادة القدرة بعد الشرا ممكن تاخد شهور.
- رخصة المباني
- بنراجعه من: الرخصة والرسومات المعتمدة
- أي مخالفة بتأخر التسجيل أو بتحتاج تصالح.
- الرهون والقضايا
- بنراجعه من: كشف من الشهر العقاري
- عشان المصنع يتنقل من غير رهن أو حجز عليه.
عندك مصنع أو مخزن للبيع أو الإيجار؟
بنسوّق مصنعك لمشترين ومستأجرين في مصر وتركيا والخليج، بصفحة بالعربي والإنجليزي والتركي. وقبل ما نعرضه بنراجع معاك موقفك مع الهيئة عشان الصفقة ماتقفش في النص.
اعرض مصنعكأسئلة بتتسأل كتير
متر المصنع في العاشر من رمضان بكام؟
حسب مؤشر سند لشهر أكتوبر 2026، متوسط السعر المطلوب حوالي 20,202 جنيه للمتر في البيع، و161 جنيه للمتر في الشهر في الإيجار. والنطاق المعتاد في البيع بين 16,255 و29,412 جنيه للمتر.
ينفع أبيع مصنعي قبل ما يكمّل تلات سنين تشغيل؟
لحد 31 ديسمبر 2026 أيوه، بقرار وزاري 171 لسنة 2026، بشرط سداد الأرض بالكامل وبدء التشغيل ووجود رخصة تشغيل وسجل صناعي. ونقل الملكية لسه محتاج موافقة كتابية من الهيئة العامة للتنمية الصناعية.
نقل ملكية مصنع في الهيئة بياخد قد إيه وبكام؟
خدمة نقل الوحدة الصناعية في الهيئة رسومها 10,000 جنيه زائد القيمة المضافة، واللجنة بترد خلال 7 أيام عمل، وبعدها قدامك 60 يوم تفعّل النقل مع جهة الولاية.
سند بياخد عمولة كام؟
العمولة بتتحدد في عقد سمسرة مكتوب قبل أي معاينة، وبتتدفع بتحويل بنكي عند توقيع العقد الابتدائي. مفيش أي مبلغ مطلوب منك قبل كده.